Britania e Madhe: Dy vjet pas Banjskës, autorët ende pa drejtësi

24.09.2025

epa10883376 Armed Kosovo police officers secure a road, as a Kosovo Force (KFOR) military vehicle is seen in the background, near the village of Banjska, Kosovo, 26 September 2023. A Kosovo Albanian police officer on 24 September was killed by Serb gunmen, who later barricaded themselves in the XIV century Serbian Orthodox Banjska monastery and traded gunfire with Kosovo police for hours. The police regained control of the area late on 24 September. The incident comes at a fragile moment in the Kosovo - Serbia European Union-facilitated dialogue to normalize ties between the two parties. EPA-EFE/GEORGI LICOVSKI

Sot shënohet dyvjetori i sulmit terrorist në Banjskë, ku më 24 shtator 2023 mbeti i vrarë rreshteri i Policisë së Kosovës, Afrim Bunjaku.

Në këtë përvjetor, ambasada e Britanisë së Madhe në Kosovë ka reaguar me një deklaratë publike, duke e quajtur këtë ditë një kujtesë të dhimbshme për jetën e humbur dhe një thirrje për drejtësi.

“Ne vazhdojmë të mbajmë zi për humbjen e zyrtarit të Policisë së Kosovës, Afrim Bunjaku, gjatë sulmit,” thuhet në reagim.

Ambasada britanike ka vlerësuar profesionalizmin dhe guximin e Policisë së Kosovës për veprimet e saj në rivendosjen e rendit më 24 shtator 2023, si dhe punën e prokurorëve në ndërtimin e aktakuzës kundër autorëve të sulmit.

Megjithatë, Britania e Madhe ka shprehur zhgënjimin që autorët ende nuk janë përballur me drejtësinë, duke përmendur konkretisht Milan Radoiçiqin si një nga organizatorët kryesorë të sulmit.

“Autorët, përfshirë Milan Radoiçiqin, ende nuk janë arrestuar dhe sjellë para drejtësisë, dhe ne përsërisim thirrjen ndaj autoriteteve serbe që të veprojnë sa më shpejt,” theksohet në reagimin e ambasadës.

24.09.2025

Shfaq më shumë